Новы для навукі від лішайнікаў названы ў гонар вядомага беларускага палярнага дасьледніка Юрыя Гігіняка, паведамілі ў НПЦ біярэсурсаў.
Austroplaca giginyakii — такую назву новаму віду лішайніку даў вядомы турэцкі навуковец, прафэсар Мэхмэт Гёкхан Халыджы, кіраўнік міжнароднага праекту «Штрых-кадаваньне ДНК лішайнікаў Усходняй Антарктыды».
Дасьледаваньні адбываліся на антарктычнай станцыі «Гара Вячэрняя».
Падрабязнае апісаньне новага віду і вынікі дасьледаваньняў паказалі на паседжаньні батаніка-фізыялягічнага сэмінару на базе Інстытуту экспэрымэнтальнай батанікі НАН Беларусі.
Тое, што ў назьве ёсьць прозьвішча беларускага навукоўца Юрыя Гігіняка — гэта ня толькі даніна павагі яго навуковай спадчыне, але і сымбалічнае прызнаньне яго ўнёску ў разьвіцьцё дасьледаваньняў у галіне біяразнастайнасьці Антарктыкі і ролі Беларусі ў палярным рэгіёне, адзначылі ў НПЦ.
ГЛЯДЗІЦЕ ТАКСАМА: Гісторыя палярніка, які ўцёк зь Беларусі ў Літву: «Калі параўноўваць зь месцам, адкуль я прыехаў, гэта неба і зямля»